Литва ўзбекистонликлар учун ойлик маоши 700–1600 еврогача бўлган бўш ўринлари таклиф қилмоқда. Бу ҳақда Ташқи меҳнат миграцияси агентлиги ахборот хизмати хабар берди.

Маълум қилинишича, пайвандчи, омборхонада юк ортувчи, тикувчи, юк автомобили ҳайдовчиси, омборхона ишчиси, қурувчи каби йўналишларда номзодлардан аризалар қабул қилинади. Қуйида номзодлар учун қўйилган талаблар рўйхати келтирилган:

• 21-55 ёш;
• рус тилида эркин мулоқот қилиш;
• пайвандчилик сертификати;
• ишлаб чиқариш чизмаларини тушуниш ва ишлаш;
• «C,E» ҳайдовчилик гувоҳномаси, Чип карта, код 95;
• қурилиш объектларида ишлаш;
• логистик омборхонада буюртма қабул қилиш;
• юк ортиш (автокара) тажрибаси;
• аёллар кийимини тикиш;
• тикувчилик соҳасида 1 йиллик тажриба;
• судланмаган;
• хорижга чиқиш тақиқланмаган;
• жисмонан ва руҳан соғлом;
• зарарли одатлардан ҳоли.

Таъкидланишича, иш ҳақи 700–1600 еврогача бўлади. Иш берувчи ётоқхона ва транспорт билан таъминлайди. Номзод эса, агентлик хизмати, ўқитиш ва кўниктириш учун БҲМнинг 10 бараваригача ва виза тўловини амалга оширади.

• рўйхатдан ўтиш (пайвандчилик, номзодлар 100 нафарга етса рўйхатдан ўтиш тўхтатилади)
• рўйхатдан ўтиш (омборхона ишчиси ва юк ортиш (автокара), номзодлар 600 нафарга етса рўйхатдан ўтиш тўхтатилади)
• рўйхатдан ўтиш (тикувчилик, номзодлар 100 нафарга етса рўйхатдан ўтиш тўхтатилади)
• рўйхатдан ўтиш (юк автомобили ҳайдовчиси, номзодлар 5000 нафарга етса рўйхатдан ўтиш тўхтатилади)
• рўйхатдан ўтиш (қурувчи, номзодлар 600 нафарга етса рўйхатдан ўтиш тўхтатилади)

Аввалроқ Ўзбекистонликлар Туркиядаги меҳмонхона ишларига таклиф этилганди. Иш вақти 8 соатдан 6 кун, иш ҳақида 580 доллар.