Марказий сайлов комиссияси томонидан маҳаллий ва хорижий оммавий ахборот воситалари вакилларини аккредитациядан ўтказиш статистикаси маълум қилинди.

МСКнинг 20 июн куни ўтказилган мажлисида қабул қилинган қарорга кўра, 31 та маҳаллий ОАВ дан 300 нафар медиа вакиллари аккредитациядан ўтказилди. Эндиликда, аккредитациядан ўтказилган маҳаллий ва хорижий оммавий ахборот воситалари вакилларининг умумий сони 854 нафарни ташкил этмоқда.

Маҳаллий ОАВлардан 36 та телерадиоканал, 80 та босма ОАВ, 19 та интернет нашрлари ҳамда 3 та ахборот агентлигининг 812 нафар вакиллари аккредитациядан ўтказилди.

Хорижий давлатларнинг 27 та ОАВнинг 42 нафар вакиллари аккредитациядан ўтказилди. Марказий сайлов комиссияси томонидан ОАВ вакилларини аккредитациядан ўтказиш бўйича ҳужжатларни қабул қилиш давом этмоқда.