23:15 | 17.07.24
Олти ойда қанча ўзбекистонлик туристик мақсадларда чет элга боргани маълум бўлди
Олти ойда қанча ўзбекистонлик туристик мақсадларда чет элга боргани маълум бўлди. Бу кўрсаткич 34 фоизга ошган.
2,7 млн нафар ўзбекистонликлар туристик мақсадларда чет элга чиққан. Бу ҳақда Статистика агентлиги матбуот хизмати хабар берди.
Қайд этилишича, 2024 йилнинг январь-июнь ойларида 2,7 млн нафар ўзбекистонликлар туристик мақсадларда чет элга борган.
Бу кўрсаткич ўтган йилнинг мос даври билан солиштирилганда 701,9 минг нафарга ёки 34,6 фоизга ошган.
Жорий йилнинг 6 ойида Республика фуқароларининг туристик мақсадларда энг кўп ташриф буюрган мамлакатлари:
- Қирғиз Республикаси – 1 251,5 минг нафар;
- Тожикистон – 560,6 минг нафар;
- Қозоғистон – 420 минг нафар;
- Россия – 122 минг нафар;
- Саудия Арабистони – 104,6 минг нафар;
- Туркия – 91,8 минг нафар;
- БАА – 62,6 минг нафар;
- Миср – 17,6 минг нафар;
- Қувайт – 16,7 минг нафар;
- Жанубий Корея – 10 минг нафар;
- бошқа давлатлар – 73,1 минг нафар.
Мавзуга доир хабарлар билан танишинг:
