Қорақалпоғистондаги Sudoche-Akpetki давлат қўриқхонасида фламинголар кўриниш берди. Бу ҳақда Экология, атроф-муҳитни муҳофаза қилиш ва иқлим ўзгариши вазирлиги хабар берди.

Маълум бўлишича, қўшлар мониторинг ишлари давомида давлат қўриқхонаси инспекторлари томонидан суратга олинган.

Шунингдек, суратда Ўзбекистон Қизил китобига киритилган фламинго, вишилдоқ оққуш, қошиқбурун, қўнғир ўрдак, катта чуррак, қора ёввойи ўрдак кабилар тасвирланган.

Эслатиб ўтамиз, аввалроқ «Чотқол» қўриқхонасидаги фотоқопқонга бўрилар тушиб қолганди.