Ўзбекистонда ўртача ойлик иш ҳақи 5 миллион сўмни ташкил қиляпти. Бу ҳақда Статистика агентлиги матбуот хизмати хабар берди.

Маълум қилинишича, Ўзбекистонда 2024 йилнинг январь-июнь ойларида ҳудудлар бўйича ўртача ойлик номинал ҳисобланган иш ҳақининг энг юқори кўрсаткичлари:

• Тошкент шаҳрида (8 450,9 минг сўм);
• Навоий вилоятида (6 601,9 минг сўм);
• Тошкент вилоятида (4 917,8 минг сўм);
• Андижон вилоятида (4 446,5 минг сўм);
• Қорақалпоғистон Республикасида (4 165,4 минг сўм) кузатилган.

Шунингдек, иқтисодий фаолият турлари бўйича ўртача ойлик иш ҳақининг энг баланд кўрсаткичи — банк, суғурта, лизинг, кредит ва воситачилик фаолияти соҳасига тўғри келган — 14 миллион сўм.

Таълим, соғлиқни сақлаш ва ижтимоий хизматлар кўрсатиш соҳалари эса энг қуйи ўринни эгаллаган — 3,3 миллион сўм.