Қозоғистонда ичида 53 нафар ўзбекистонлик бўлган автобус бузилиб қолди — видео
Bugun.uz’даги маълумотларга кўра, йўловчиларга Қарағандадаги ўзбекистонлик тадбиркор ёрдам кўрсатган.
Қозоғистоннинг Қарағанда вилоятида ичида 53 нафар ўзбекистонлик бўлган автобус бузилиб қолди. Bugun.uz’даги маълумотларга кўра, автобус Россиянинг Новосибирск шаҳридан Жибек-Жўли йўналишида ҳаракатланаётган бўлган. Аммо носозлик сабаб кеча, 28 октябр куни маҳаллий вақт билан соат 17:00 ларда Қарағанда вилоятии Абай туманидаги Спасский шоссесида тўхтаб қолган.
Фуқароларга ёрдам кўрсатиш мақсадида Ўзбекистон консуллиги барча чораларни кўрган. Хусусан, Қарағанда вилоятида қуруқ мевалар савдоси билан шуғулланадиган ўзбекистонлик тадбиркор Қобилжон Исмоилов ўз ҳисобидан автобус тўхтаган жойда йўловчилар учун иссиқ овқат ташкил қилган. Бундан ташқари, у автобус учун эҳтиёт қисмларини топишга ёрдам берган. Шундан сўнг, автобус йўналиш бўйича ҳаракатни давом эттирган.
