Олимпия ўйинлари расман 26 июль – 11 август кунлари бўлиб ўтади. Ўзбекистон делегациясининг иштироки бугун футболчиларимизнинг Испанияга қарши ўйини билан бошланади.

Ўзбекистон делегацияси ўз тарихида илк бора 19 спорт турида 90 нафар спортчи билан 75 та лицензияни қўлга киритди. Ўзбекистонликлар футбол, камондан отиш, сувга сакраш ва аёллар кураши дастурларида Олимпия ўйинларида дебют қилади.

Аввалроқ Ўзбекистон — Испания терма жамоалари ўйини 24 июль куни Тошкент вақти билан 18:00да бошланиши ҳақида хабар берилган эди.