Қирғизистонда «олтин паспорт» тўғрисидаги қонун лойиҳаси ишлаб чиқилди. Бу ҳақда «24.kg» хабар берди.

Маълум бўлишчиа, инвесторлар Қирғизистон фуқаролигини соддалаштирилган тартибда олиши мумкин бўлади. Қонун лойиҳаси жамоатчилик муҳокамасига қўйилган.

«Ўйлайманки, агар инвестор иқтисодиётимизга 300 минг доллар сармоя киритса, унга фуқаролик беришимиз мумкин. Бу кўчмас мулк сотиб олиш ёки бизнесни бошлаш бўлиши мумкин. Мазкур жараёнда инвесторга фуқароликни соддалаштирилган тартибда бериш керак», — дейди Миллий инвестиция агентлиги раҳбари Равшан Собиров.

Унинг қўшимча қилишича, бундай амалиёт кўплаб мамлакатларда, масалан Швеция, Кипр ва Туркияда мавжуд.

Аввалроқ Кипр Алишер Усмоновнинг синглисини «олтин паспорт»дан маҳрум қилгани ҳақида хабар берилганди.