Ўзбекистон Президенти Администрацияси раҳбари Сардор Умрзоқов Қатар амири Шайх Тамим бин Ҳамад Ол Соний билан учрашди. Бу ҳақда амирлик матбуот хизмати хабар берди.

Қайд этилишича, Сардор Умрзоқов Қатар амирига Шавкат Мирзиёевнинг мактубини етказган.

Мактубда Ўзбекистон ва Қатар ўртасидаги икки томонлама муносабатлар, уларни мустаҳкамлаш ва ривожлантириш истиқболлари ҳақида сўз боради.

Бундан ташқари, маълумотда айтилишича, мактубда Ўзбекистон ҳамда Қатар ўртасидаги ҳамкорлик масалалари ҳам тилга олинган.

Эслатиб ўтамиз, 2022 йил декабрь ўрталарида Сердар Бердимуҳамедов Сардор Умурзоқовни қабул қилганди. Ўшанда Президент Администрацияси раҳбари Туркманистон Президентига Шавкат Мирзиёевнинг Халқаро бетарафлик куни муносабати билан самимий саломи, эзгу тилаклари ва табрикларини, шунингдек, Ўзбекистон раҳбарининг яқинда бўлиб ўтган ўз байрамини илиқ эслаши ҳақидаги сўзларини етказган эди.