10:15 | 19.07.24
Сурхондарёда икки йигитнинг ҳазили туфайли бир қиз кўприкдан тушиб кетди
⚡️Сурхондарёда икки йигитнинг ҳазили туфайли бир қиз кўприкдан тушиб кетди. Қизнинг вафот этгани айтилмоқда (видео).
Сурхондарё вилояти Сариосиё туманида осма кўприкдан йиқилиб тушган қизнинг аҳволи тўғрисида маълумот берилди.
Ижтимоий тармоқларда осма кўприкдан ўтаётган икки йигитнинг қўпол ҳазили ортидан бир қиз пастга тушиб кетгани тасвирланган видео тарқалди. Маълум бўлишича, ҳолат Сариосиё туманидаги Сангардак шаршараси яқинида юз берган.
Сариосиё ИИБ ходимига кўра, осма кўприкдан йиқилиб тушган қиз жиддий шикастланмаган.
«Ҳозирда у оиласи ёнида. Ҳолат бўйича ФВБ ва ИИБ ходимлари томонидан суриштирув олиб борилмоқда», — дейди идора ходими Улуғбек Ҳақназаров.
Таъкидланишича, мазкур осма кўприк ноқонуний қурилган бўлиб, у олиб ташланган.
Журналист Шуҳрат Шокиржонов эса ўзининг ижтимоий тармоқлардаги саҳифасида қизнинг вафот этгани ҳақида хабар жойлади.
Мавзуга доир хабарлар билан танишинг:
