Миробод тумани ҳокимияти хабар беришича, Тарас Шевченко кўчасидаги гастрономик аллеяни ташкил этиш бўйича ишлар биринчи босқичини якунлаш муддати 10 октябрга кўчирилди.

Қайд этилишича, гастрономик кўча бўйлаб 6 та фото-зона, 39 та кичик ва 17 та катта торшер, 1 та автобус бекати, 39 та юзларни таниш тизими билан жиҳозланган видеокамера, 20 та ўриндиқ, ахлат қутилари ва Wi-Fi ўрнатилган. 3000 кв.м пиёдалар учун майдон қилиниб, табиий гранитдан 2600 кв.м йўл қопламаси тўшалган.

Ҳозирда ҳудудни кўкаламзорлаштириш ишлари давом этмоқда, тахминан 30 та декоратив дарахт ўтқазилди.

Эслатиб ўтамиз,кўча соат 20:00 дан 06:00 га қадар автомобиль ҳаракати учун ёпилади ва пиёдалар ҳудудига айланиб, мижозлар учун 24 соат хизмат кўрсатади.