«Uzbekistan Airways» техник ишлар бажарилиши ва ҳаво кемаси режалаштирилган вақтда учишга тайёр эмаслиги сабаб Тошкентдан Истанбулга учиши керак бўлган самолёт парвози кечиктирилганини маълум қилди.

Қайд этилишича, фақат 2024 йил 9 февраль куни HY271/272 Тошкент – Истанбул – Тошкент йўналиши бўйича қатнов 4 соатга кечиктирилиб, ўзгартирилган жадвалга мувофиқ амалга оширилади:

HY271 қатнови:

• Тошкентдан жўнаб кетиш соат 12:00 да, маҳаллий вақт;
• Истанбулга етиб келиш соат 15:20 да, маҳаллий вақт.

HY272 қатнови:

• Истанбулдан жўнаб кетиш соат 16:50 да, маҳаллий вақт;
• Тошкентга етиб келиш соат 23:20 да, маҳаллий вақт.

Авиакомпаниянинг техник хизмати мутахассислари заҳира ҳаво кемасини режалаштирилган парвозга тайёрлаш бўйича барча зарур ишларни олиб бораётгани таъкидланган.