Бугун 9 октябр куни Ўзбекистон Россиянинг «Газпром» компанияси билан газ етказиб бериш бўйича ўрта ва узоқ муддатли шартномалар тўғрисида музокаралар олиб боришни бошлади. Бу ҳақда Ўзбекистон энергетика вазири Жўрабек Мирзамаҳмудов маълум қилди.

Шунингдек, вазир шу вақтгача фақат Ўзбекистондан Россияга газ етказиб берилганлигини айтиб, газ импоти тарихий саналигини таъкидлади.

Мирзамаҳудовнинг сўзларига кўра, бу иқтисодиёт, аҳолиининг ўсиши ва табиий ресурсларга бўлган талабни ҳисобга олган ҳолда куз-қиш мавсумида газ дефицитининг бир қисмини таъминлаб беради.

Ускуналар энг замонавий қурилмалардан ва ўлчов тизимларидан иборат бўлиб, ҳамкорлар ҳам икки ой муддатда «Газпром» тарихида бундай объект қурилмаганини таъкидлаган.

Эслатиб ўтамиз, 7 октябр куни Ўзбекистон, Қозоғистон ва Россия ўртасида газ етказиб беришни бошлаш маросими бўлиб ўтганди.

Шунингдек, Путин газ транспортациясини амалга ошириш учун барча техник талаблар бажарилганини маълум қилган ҳолда, аввалига экспорт ҳажми 3 миллиард кубометр бўлиши, келажакда эса бу миқдор оширилишини таъкидлаган.