Иқтисодиёт ва молия вазирлиги ёнилғи қуйиш шохобчаларида реализация қилинган газ ҳажмининг аниқ ҳисобини юритиш учун газ қуйиш ускуналарига махсус дастур ёрдамида маълумотлар базасига интеграция қилишга қаратилган тизим ишлаб чиқди. Бу ҳақда вазирлик Bugun.uz’га маълум қилди.

Тизим «АГҚШлар фаолияти» ахборот тизими автомобилларга газ қуйиш шохобчалари фаолиятини назорат қилиш мақсадида ишлаб чиқилди.

Тизимининг вазифалари:

• АГҚШларга кирим қилинган газ ёқилғиси миқдорини аниқлаш;
• АГҚШларда электрон ҳисобварақ фактуралар ва онлайн НКГларнинг чеклари орқали сотилган газ ёқилғиси миқдорини аниқлаш;
• кирим қилинган ва сотилган газ ёқилғисининг тафовутини аниқлаш орқали АГҚШлар фаолиятини назорат қилишдан иборат.

Тизим ишлаб чиқиш бўйича техник топшириқ лойиҳаси «Киберхавфсизлик маркази» мутахассислари томонидан экспертизадан ўтказилди.