Украина президенти Владимир Зеленский тўнғич қизи Александра унинг навбатдаги муддатга президент этиб сайланишини хоҳламаслигини маълум қилди. Бу ҳақда «Известия» хабар берди.

Давлат раҳбарининг сўзларига кўра, унинг президентлик фаолияти сабабли оиласи катта зарар кўрган.

«Қизим бу мавзу юзасидан кўп гапиради, у менинг навбатдаги муддатга президентликка номзод сифатида сайланишимни хоҳламайди», — деган Зеленский ва оиласининг бир қисми сайловларда унинг номзодини кўрсатишга қарши чиққанини тан олган.

Шунингдек, у президентлик пойгасида иштирок этишни режалаштирганми ёки йўқми, деган саволга қуйидагича жавоб берган. «Қизимни қанчалик яхши кўришимдан қатъи назар, менинг танловим бажара оладиган вазифаларимга боғлиқ», — деган сиёсатчи.

Аввалроқ Зеленский қачонгача президент лавозимида қолишини айтганди. Шунингдек, Зеленскийнинг Россия билан муносабатларидаги хатоси маълум қилинган.