Украина президенти Владимир Зленский Вашингтонга етиб келди. Бу ҳақда Украина президентининг ижтимоий тармоқдаги расмий саҳифасида хабар берилган.

Украина президенти Польшадан Америкага ҳарбий самолётда етиб келди.

«Мен бугун Вашингтондаман. Бу ерда Америка халқига, Президентига ва Конгрессга кўрсатган ёрдами учун миннатдорчилик билдираман. Шунингдек, ғалабамизни яқинлаштириш ва ҳамкорликни давом эттириш учун Украинанинг мудофаа қобилиятини мустаҳкамлаш бўйича қатор музокаралар ўтказаман. Келгуси йил биз юртимизга, халқимизга Украина байроғи ва эркинлигини қайтаришимиз керак», — дейди президент.

Зеленскийнинг таъкидлашича, у Вашингтонда АҚШ президенти Жо Байден билан икки томонлама ҳамкорликни муҳокама қилади. Шунинг Украина етакчиси Конгрессда ҳам нутқ сўзлаши кутилмоқда.

Эслатиб ўтамиз, аввалроқ Зеленский АҚШга ташриф буюриб, Конгрессда нутқ сўзлаши ҳақида хабар берилганди.