Жиззах вилояти қурилиш ва уй-жой коммунал хўжалиги соҳасида қонунбузарлик аниқланди. «Ягона буюртмачи хизмати» томонидан Боғишамол МФЙ ҳудудида қурилаётган Абдулла Қодирий номидаги Жиззах педагогика университетининг 2500 ўринли биносида ҳудудий назорат инспексияси томонидан мониторинг ўтказилди.

Мониторингда аниқланишича, объектда зилзилавий ҳудудларда қурилиш талабларига риоя этилмаган. Лаборотория хулосасига кўра, иншоотнинг пойдевор қисмида бажарилган бетон ишлари  лойиҳа талабларига мос келмайди. Бетон қуйиш ишлари эса сифатсиз бажарилган.

Қонунбузарлик юзасидан айбдорларга инспексия томонидан ёзма кўрсатма берилган. Сифатсиз бажарилган қурилиш ишлари жойида демонтаж қилинган.