20:16 | 17.07.22
Ўрмон хўжалиги давлат қўмитаси ҳолат юзасидан маълумот берди
Тошкент вилояти Оҳангарон ўрмон хўжалиги ҳудудида 17 июль куни ёнғин юз берди. Ўрмон хўжалиги давлат қўмитаси ҳолат юзасидан маълумот берди.
Келтирилишича, ёнғин ўт ўчирувчи махсус техникалар кира олмайдиган ҳудудда бўлгани сабабли ўчириш ишлари асосан қўлда олиб борилган. 30 та Фавқулодда ваизиятлар бошқармаси ходими ва 1 та ўт ўчириш машинаси ёрдамида ёнғин бартараф этилган.
Мутахассислар фикрига кўра, муҳофаза этиладиган табиий ҳудудларда ўз-ўзидан ёнғин чиқмайди. Таҳлилларга кўра, 95 фоиз ҳолатда ёнғинлар инсон омили туфайли юзага келади, кимларнингдир оддий эҳтиётсизлиги, бундай ҳудудларга жуда яқин жойлашган ишлаб чиқариш ёки турар-жой объектлари қурилиши билан боғлиқ.
Олимларнинг таъкидлашича, дунё бўйича ҳар йили ўрмонлар ёнғини оқибатида 2 миллион тоннадан ортиқ органик модда йўқ бўлиб кетиши аниқланган.
«Ҳозирда ўрмон ёнғинининг келиб чиқиш сабаблари ва етказилган зарар миқдорини аниқлаш бўйича чора-тадбир олиб борилмоқда», дейилад хабарда.
Аввалроқ Самарқанд вилояти Қўшработ туманидаги қабристонда ёнғин содир бўлганди. Шунингдек, Тошкент вилоятидаги мой ишлаб чиқариш цехида ёнғин содир бўлган.
Мавзуга доир хабарлар билан танишинг: