Давлат хвфсизлик хизмати томонидан Сирдарё вилоятида ноқонуний майнинг ферма фаолиятига чек қўйилди.

Қайд этилишича, ДХХнинг вилоят бўйича бошқармаси ходимлари ва мутасадди ташкилотлар билан текширув ўтказган. Унда Бойовут туманида МЧЖ ноқонуний майнинг ферма фаолияти билан шуғулланаётгани маълум бўлган.

Аниқланишича, Тошкент шаҳрида рўйхатдан ўтган хорижий корхона бинони 2 йил муддатга ижарага олган ва у ерда 1491 та майнинг қурилмалари ва 9280 дона видеокарталардан фойдаланилган. Оқибатда 2020 йилнинг август ойидан бери 7 миллион 700 минг долларлик криптовалюта ишлаб чиқарилган.

МЧЖ ва корхона раҳбарлари ўзаро тил бириктириб, туман электр тармоқлари корхонаси билан тузилган шартномада жамиятнинг фаолият турига қуёнчилик билан шуғулланиш каби сохта маълумот киритилган. Шунингдек, электр нархини арзонроқ тўлангани сабаб давлат манфаатига жуда кўп миқдорда зарар етказилган. Ҳолат юзасидан жиноят иши қўзғатилди.