Америкалик бизнесмен Илон Маск БМТ кузатуви остида Донбассда қайта референдумлар ўтказиш орқали Украинадаги можарони ҳал этиш мумкинлигини маълум қилди. Ўз фикрларини у Twitter’даги саҳифасига ёзиб қолдирган.

«Катта эҳтимол билан охир-оқибат шундай бўлади. Масала бунга қадар қанча одам ҳалок бўлишида», — деб ёзади Маск.

Шундай қилиб бизнесмен «Украина—Россия тинчлиги» учун тўртта бандни санаб ўтган ва фойдаланувчиларига ушбу лойиҳа бўйича ўз фикрларини билдиришлари мумкинлигини таклиф қилган. Айни вақтга қадар сўров иштирокчиларининг 58,7 фоизини уни қўллаб-қувватлаган бўлса, 41,3 фоизи қўшилмаган.

Илон Маск Донбасс, Херсон ва Запорожье вилоятларида БМТ вакиллари кузатуви остида қайта овоз бериш жараёнларини ўтказишни таклиф қилмоқда.

Эслатиб ўтамиз, 30 cентябрь куни Путин Украинанинг тўрт вилояти Россия таркибига қўшилиши ҳақидаги келишувни имзолаганидан сўнг Зеленский мурожаат билан чиққанди. Украина раҳбарининг айтишича, Киев НАТОга тезлаштирилган альянсга кириш учун ариза берган. 3 октябрь куни Россия Конституциявий суди Украина ҳудудлари аннексиясини қонуний деб тан олган.