22:04 | 04.10.22
Аввалроқ ягона мактаб формаси бекор қилингани маълум қилинганди
Халқ таълим вазирлиги ўқувчилар мактабга қандай кийимда келиши бўйича тушунтириш берди. Бу ҳақда вазирлик ахборот хизмати хабар берди.
Қайд этилишича, Вазирлар Маҳкамасининг 3 октябрдаги «Умумий ўрта таълим муассасаларида маънавий-маърифий ҳамда тарбиявий ишлар самарадорлигини ошириш концепциясини тасдиқлаш тўғрисида»ги 558-сонли қарори билан ҳукуматнинг айрим қарорларига тегишли ўзгартиришлар киритилган.
Хусусан, 2022 йил 19 майдаги 271-сонли қарорига мувофиқ, ўқувчиларнинг ягона мактаб формасида келишлари ихтиёрий этиб белгиланган.
Шунингдек, 2018 йил 15 августдаги 666-сон қарорига мувофиқ, ўқувчиларнинг давлат умумий ўрта таълим муассасасига тегишли тартибда тасдиқланган шакллардаги ягона мактаб формасининг босқичма-босқич жорий этилиши белгилаб қўйилган.
Ўқувчилар таълим муассасасига мактаб уставида белгиланган ички тартиб ва одоб-ахлоқ қоидаларига риоя этган ҳолда кийиниб келишлари кераклиги таъкидланган.
Аввалроқ Ўзбекистонда ягона мактаб формасини жорий этиш талаби бекор қилингани ҳақида хабар берилганди. Шунингдек, Ўзбекистонда 2022/2023 ўқув йилидан бошлаб ўқувчилар учун ҳукумат қарори билан тасдиқланган мактаб формаси тўлиқ жорий этилиши ҳақида хабар берилган.
Мавзуга доир хабарлар билан танишинг: