Украинанинг Россия томонидан аннекция қилинган вилояти Херсонда яшовчи аҳоли Днепрнинг чап соҳилига эвакуация қилинади. Бу ҳақда Вилоят раҳбари Владимир Сальдо хабар берди.

Таъкидланишича, тўрт муниципалитет: Бериславский, Белозерский, Снигирёвский ва Александровскийнинг тинч аҳолиси Днепрнинг чап соҳилига кўчирилади. Вилоят раҳбари бу қарорни Украинанинг «кенг кўламли ҳужумга тайёргарлик кўраётгани» ва «Каховская ГEСи тўғонининг эҳтимолий вайрон қилиниши муносабати билан ҳудудни сув босиш хавфи мавжудлиги» билан изоҳлаган.

«Бундай шароитда бизнинг асосий вазифамиз инсонлар ҳаётини сақлаб қолиш ва Россия Федерацияси қўшинларига Херсон вилоятини ҳимоя қилиш бўйича ўз вазифаларини бажаришга имкон беришдир. Биз тинч аҳолини уюшган, босқичма-босқич чап қирғоққа олиб ўтамиз»,— дейди Сальдо.

Эслатиб ўтамиз, аввалроқ 2022 йилнинг 19 октябрида Россияда Хавфсизлик кенгашининг навбатдаги йиғилиши ўтказилиши ҳақида хабар берилганди. Шунингдек, Украина президенти Владимир Зеленский Херсон вилоятидаги 8 та аҳоли пункти озод қилинганини маълум қилганди.