Россия Мудофаа вазири Сергей Шойгу Россия кучлари қўшма гуруҳи қўмондони Сергей Суровикиннинг Днепрнинг чап қирғоғидаги Херсон вилоятида мудофаани ташкил этиш таклифига рози бўлди. Бу ҳақда «РИА Новости» хабар берди.

«Мавжуд вазиятни ҳар томонлама баҳолаб, Днепр дарёсининг чап қирғоғи бўйлаб мудофаага киришиш таклиф қилинмоқда. Мен бу жуда қийин қарор эканини тушунаман. Бундан ташқари, куч ва воситаларнинг бир қисмидан операция зонасининг бошқа йўналишларида фаол амалиётлар, шу жумладан ҳужумкор ҳаракатлар учун фойдаланилади», — дейди Суровикин.

Унинг таъкидлашича, қўшинларнинг манёври яқин келажакда амалга оширилади, қўшинлар ва бўлинмалар Днепр дарёсининг чап қирғоғида муҳандислик нуқтаи назаридан тайёрланган мудофаа чизиқлари ва позицияларини эгаллайди.

Суровикинга кўра, «Украина ҳарбийлари Каховка тўғонини доимий ўққа туриб турибди» ва бу ҳудудда «катта талафотларга олиб келади».

Шунингдек, Суровикин Украина ҳарбийларининг ҳужумлари «муваффақиятли» қайтариб турилганини таъкидлаган ва Украина армиясининг Херсонда августдан октябрь ойигача бўлган даврдаги «йўқотишлари» ҳақида ҳисоботни тақдим этган.

Эслатиб ўтамиз, аввалроқ Россиянинг Херсондаги расмийлари аҳолини Днепрнинг чап соҳилига кўчиришга буйруқ берганди. Шунингдек, АҚШ Украинани Херсон қайтариб олингандан кейингина Россия билан музокараларга киришишга ундаганди.