Бугун ва дам олиш кунлари Ўзбекистон бўйлаб ҳаво бироз булутли бўлади, ёғингарчилик кутилмайди. Республика бўйлаб кечаси ва эрталаб туман тушиши мумкин, деб хабар бермоқда «Ўзгидромет» матбуот хизмати.

Ҳаво ҳарорати аста-секин кўтарила бошлайди. Бугун куннинг иккинчи ярмида ҳаво ҳарорати +10…+15 даражагача, шанба ва якшанба кунлари +15…+18 даражагача илиқ бўлади. Ҳарорат кечаси +2…+7 даража илиқ атрофида бўлади. Шамол шарқдан 7-12 м/с тезликда эсади.

Пойтахтда бугун ва дам олиш кунлари ҳаво ўзгариб туради, ёғингарчилик кутилмайди. 1-2 декабрда кечаси ва эрталаб туман тушади. Шамол шарқдан 3-8 м/с тезликда эсади. Ҳарорат кечалари +5…+7 даража илиқ, кундузи 1 декабрда +13…+15 даража , 2-3 декабрда +15…+17 даража илиқ бўлади.