Тошкент  шаҳар йўловчи транспорти ва йўл-транспорт инфратузилмасини ривожлантириш ҳамда мавжуд марказий кўчаларни хорижий тажриба асосида оптималлаштириш мақсадида Вазирлар Маҳкамаси қарори қабул қилинди.

Қарорга кўра Тошкент шаҳар ҳокимлиги, Транспорт вазирлиги, Қурилиш ва уй-жой коммунал хўжалиги вазирлиги ва Иқтисодиёт ва молия вазирлиги томонидан қуйидаги ишлар амалга оширилади:

• Тошкент шаҳрининг Амир Темур, Шаҳрисабз, Шота Руставели ва Янги Сергели кўчаларида жамоат транспорти коридорларини қуйидагиларни инобатга олган ҳолда жорий этиш:
• автобуслар учун алоҳида йўлакларни ташкил этиш;
• чорраҳаларда светофорларнинг мувофиқлаштирилган бошқарув тизимини жорий этиш ва чорраҳаларнинг геометрик параметрларини ўзгартириш орқали самарадорлигини ошириш;
• йўналишсиз такси учун йўловчиларни тушириш/чиқариш майдончаларини жорий этиш;
• эҳтиёждан келиб чиқиб, йўл-транспорт ҳодисалари таҳлили асосида тартибга солинган пиёдалар ўтиш йўлакларини жорий қилиш ва светофорларнинг мувофиқлаштирилган тизимга интеграция қилиш, хавфсизлик оролчаларини жорий этиш;
• жамоат транспорти инфратузилмаси объектларини талаб ва эҳтиёждан келиб чиққан ҳолда реконструкция қилиш.

Шунингдек, қарорда Тошкент шаҳар ҳокимлиги, «ТошкентбошпланЛИТИ» ДУК, Ички ишлар вазирлиги ва Транспорт вазирликлари биргаликда, 2 ой муддатда лойиҳа олди чизмаларни ишлаб чиқишлари белгиланди.