Аёллар хотиржамлиги ва хавфсизлиги индекси (Women Peace and Security Index) аёлларнинг жамиятдаги ўрни бўйича давлатлар рейтингини эълон қилди. Мазкур рейтингда 177 та давлат қатнашган.

Women Peace and Security Index рўйхатида келтирилган давлатлар аёллар хавфсизлиги, жамият ишларига аралашиш ва уларга нисбатан адолат мезонлари бўйича сараланган.

Ушбу рўйхатда Ўзбекистон 94-ўринни эгаллаб, Тожикистон (90 ўрин), Қозоғистон (80-ўрин) ва Туркманистон (58-ўрин) дан аёлларга яратилган шароитлар бўйича ортда қолган. Қирғизистон эса рейтингнинг 95-ўрнидан жой олган.

Рейтингга кўра, аёлларга бўлган энг яхши шароит бўйича Дания биринчи ўринни эгаллаган. Швейцария иккинчи ва Швеция учинчи ўринда қайд этилган. Аёллар энг кўп азият чекадиган мамлакат сифатида Афғонистон (177-ўрин) энг сўнгги ўринни эгаллаган.

Эслатиб ўтамиз, аввалроқ, Ўзбекистонда «Аёллар дафтари»га киритилган уч минг хотин-қизнинг турар-жой ижара учун компенсация тўлаб берилгани хабар қилинганди.