Ўзбекистонда етарли расмий даромадга эга бўлмаганлар учун ипотека кредитлари пайдо бўлиши шу йилнинг баҳорида маълум қилинган эди. Тегишли фармон Ўзбекистон президенти томонидан имзоланган.

«Банкир» Telegram каналидаги маълумотларга кўра, қуйидаги банкларда янги шартлар пайдо бўлди:

• Ipotekabank 20 йилгача муддатга 30-50 фоиз бошланғич тўлов билан йиллик 17-18 фоиз ставкаси билан;
• Turonbank 20 йилгача муддат билан 50% бошланғич тўлов йиллик 16 фоиз ставкаси билан;
• Agrobank ҳам 20 йилгача муддат билан 15%лик бошланғич тўлов асосида йиллик 18 фоиз ставка асосида;
• МКБанк 20 йилгача бўлган муддатда 15 % бош тўлов билан йиллик 18 фоиз ставкаси билан;
• Asaka’да 20 йилгача бўлган муддатда 40% бош тўлов асосида йиллик 17 фоиз ставкаси билан;
• СҚБ эса 30 % бошланғич тўлов йиллик 17 фоиз ставкаси билан 20 йилгача муддатга;
• Hamkorbank’да бошланғич тўлов 15% билан йиллик 19 фоиз ставкаси асосида 20 йилгача;
• Xalq banki’да 20 йилгача муддатга 15%дан бошланғич тўлов йиллик 17 фоиз ставкаси асосида;
• ОФБ ҳам 20 йилгача 50 % бошланғич тўлов билан йиллик 18 фоиз ставкаси асосида;
• Ipak yo’li банкда эса 6 йилгача бўлган муддатда 50% бошланғич тўлов асосида 24 фоиз ставкаси билан 800 млн сўмгача ажратади;
• Tengebank’да 10 йилгача 50%дан бошланғич тўлов билан йиллик 25,9 фоиз ставкаси асосида берилади.

Лекин, барча банклар (Tengebank’дан бошқа) Тошкент шаҳрида максимал 416,5 млн сўмгача, вилоятларда эса 327,5 млн сўмгача ажратиши мумкин. Ушбу максимал миқдор Tengebank’да 620 млн сўмни ташкил этади.