«Бахти Ташкентский»га доир очиқ суд қачон бошланиши очиқланди

«Бахти Ташкентский»га доир очиқ суд қачон бошланиши очиқланди. Мазкур судда жами 37 кишининг жиноят ишиси кўриб чиқилади.

«Бахти Ташкентский»га оид очиқ суд 2024 йил 3 июнь куни бўлиб ўтади. Бу ҳақда Олий суд матбуот хизмати хабар берди.

Қайд қилинишича, жиноят ишлари бўйича Юнусобод туман суди биносида 3 июнь соат 10.00 да Б. Қудратуллаев ва бошқаларга (жами 37 киши) оид жиноят ишини кўриб чиқиш бўйича очиқ суд жараёни бошланади.

Ушбу жиноят иши жиноят ишлари бўйича Шайхонтоҳур туман судининг раиси Т. Обидов раислигида биринчи инстанция судида кўриб чиқилади.

Дастлабки тергов органининг айблов хулосасига кўра судланувчилар Б. Қудратуллаев, Ш. Курбанов, Б. Зафаров, Ш. Раҳимов, А. Ходжаев, Д. Шарипов, А. Мирзаханов, Ш. Сулаймонқулов, А. Норкулов, С. Хатамов, Н. Жуманиязова, Р. Шакуров, Ш. Қудратуллаев, Т. Турмонов, Ф. Вапаев, М. Насырходжаев, Д. Мўминхўжаев, М. Усмонбоев, М. Шодманов, Б. Худаяров, А. Машрафханов, В. Курбанов, А. Махамадиёров, А. Джураев, Б. Бакаев, И. Қудратуллаев, А. Алиев, Ж. Солиев, А. Турсунбоев, Б. Нармирзаев, Ф. Камалов, М. Мирзоев, Н. Багадиров, А. Щелёв, М. Курбанов, О. Исламов ва М. Ибадуллаев Жиноят кодексининг:

104-модда (Қасддан баданга оғир шикаст етказиш);
109-модда (Қасддан баданга енгил шикаст етказиш);
138-модда (Зўрлик ишлатиб ғайриқонуний равишда озодликдан маҳрум қилиш);
165-модда (Товламачилик);
168-модда (Фирибгарлик);
228-модда (Ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш);
242-модда (Жиноий уюшма ташкил этиш);
243-модда (Жиноий фаолиятдан олинган даромадларни легаллаштириш);
273-модда (Гиёвандлик воситалари, уларнинг аналоглари ёки психотроп моддаларни ўтказиш мақсадини кўзлаб қонунга хилоф равишда тайёрлаш, олиш, сақлаш ва бошқа ҳаракатлар қилиш, шунингдек уларни қонунга хилоф равишда ўтказиш);
276-модда (Гиёвандлик воситалари, уларнинг аналоглари ёки психотроп моддаларни ўтказиш мақсадини кўзламай қонунга хилоф равишда тайёрлаш, эгаллаш, сақлаш ва бошқа ҳаракатлар);
277-модда (Безорилик)