Кўксарой қароргоҳида Шавкат Мирзиёев ва Владимир Путиннинг тор доирадаги учрашуви бўлиб ўтгани ҳақида хабар берилган эди. Кремль матбуот хизмати хабарига кўра, Шавкат Мирзиёев Владимир Путиннинг ташрифи «тарихий бўлишига» ишонч билдирди ва унга миннатдорчилик билдирди.

«Ҳурматли Владимир Владимирович!

Яна бир бор Ўзбекистонга хуш келибсиз. Биз бу ташрифга жуда пухта ва узоқ вақт тайёргарлик кўрдик. Менимча, бу учрашув ҳақиқатан ҳам тарихий бўлади. Сизнинг биринчи ташрифларингиздан бири Ўзбекистонга бўлганидан жуда миннатдорман. Бу Ўзбекистонга, кўп миллатли Ўзбекистон халқига бўлган юксак ҳурматдир. Бунинг учун сиздан жуда миннатдорман.

Яна бир бор Ўзбекистонга хуш келибсиз!», — дейди Шавкат Миромонович.

Шунингдек, Владимир Путин бундай вакиллик делегациясининг Ўзбекистонга келиши бежиз эмаслигини, бу стратегик шериклик ва иттифоқчилик муносабатларининг ўзига хос хусусияти эканлигини таъкидлади.

«Ҳурматли Шавкат Миромонович, Бундай вакиллик делегациясининг Ўзбекистонга келгани бежиз эмас. Бу стратегик шериклик ва иттифоқчилик муносабатларининг ўзига хос хусусиятини таъкидлайди.

Бу [Россия Федерацияси Президенти] сайловлари ва у билан боғлиқ барча тартиб-қоидалар, шу жумладан Ҳукуматни шакллантириш билан боғлиқ жараёнлар тугаганидан кейин биринчи ташрифлардан биридир.

Сизнинг саъй-ҳаракатларингиз, Ўзбекистон ҳукуматининг саъй-ҳаракатлари туфайли савдо-иқтисодий алоқаларимиз, айниқса, саноат кооперацияси ва юқори технологиялар соҳасида истиқболга эга бўлмоқда.

Таклиф учун катта раҳмат», — дейди Россия президенти.