Фарғонада иккинчи марта бировга атайин ОИТС юқтирган 29 ёшли аёл қилмишидан пушаймон бўлиб, суддан енгиллик сўради. Bugun.uz бу ҳақдаги суд ҳужжатлари билан танишиб чиқди.

Маълум қилинишича, Х.М. аввал ҳам бир эркакка шу касалликни юқтиргани учун қамалиб чиққан. Шундан сўнг, 2022 йилнинг май ойи охирида шу касалликка чалинган бошқа бир аёл танишининг уйида бир эркак билан жинсий алоқада бўлган. Аёл у эркакка ўзининг касаллиги ҳақида айтмаган.

Аниқланганишича, аёлнинг бир нафар фарзанди бор. Муқаддам турмушидан ажрашган.

Судланувчи айбига иқрорлигини ва чин дилдан пушаймонлигини билдириб, аппеляция киритган. 2024 йил 26 куни, Фарғона вилоят суди жиноят ишлари бўйича судлов ҳайъати, тафтиш инстанцияси ўз биносида, очиқ суд мажлисида ишни кўриб чиққан. 2022 йил 27 октябрь кунги ажрими билан суднинг ҳукми ўзгаришсиз қолдирилган. Унга нисбатан 5 йил 1 ой озодликдан маҳрум қилиш жазоси тайинланган.