Бугун, 30 май куни тонгда Москвага дрон ҳужуми уйиштирилди. Бу ҳақда Москва шаҳар мери Сергей Собянин ўз телеграм каналида хабар берди.

Бугун эрта тонгда дрон ҳужуми бир неча биноларга кичик зарар етказди. Ҳодиса содир бўлган жойда шаҳарнинг барча тез ёрдам хизматлари ишламоқда. Улар нима бўлганини аниқлайдилар. Ҳозирча ҳеч ким жиддий жабрланмаган. Сиздан фақат расмий манбаларга ишонишингизни ва тасдиқланмаган маълумотларни тарқатмасликни сўрайман.

Шаҳар мери ўз телеграм канали орқали ҳолатни ёритиб борди. У одамлар эвакуация қилингани, махсус хизматлар ишни тугатгач, барча ўз уйига қайтишини билдирган.

Хавфсизлик нуқтаи назаридан, фавқулодда вазиятлар хизмати ходимлари томонидан олиб борилган ишлар давомида дрон ҳужум қилган икки уйнинг бир нечта кириш жойлари аҳолисини эвакуация қилиш чоралари кўрилди. Махсус хизматларнинг иши тугагач, аҳоли ўз хонадонларига қайтиши мумкин бўлади.

Шунингдек, мер тиббий ёрдам ишлари ҳақида ҳам тўхталиб,жиддий жароҳатланганлар йўқлигини маълум қилган.

Шаҳар тиббиёт хизматидан олинган маълумотларга кўра, айни дамда дрондан зарар кўрган уйларда яшовчиларнинг ҳеч бири жиддий жароҳат олмаган. Икки киши тиббий ёрдамга мурожаат қилган. Ҳеч ким касалхонага ётқизишга муҳтож эмас ва керакли ёрдам жойида кўрсатилди. Шунингдек, воқеа жойида тез ёрдам бригадалари ишламоқда.