Bugun.uz’ даги мавжуд маълумотларга кўра, Чустда йоддан заҳарланган болалар сони 359 нафарга етган. Улар шаҳар шифохонасига мунтазам кўрикка чақирилиб, тиббий текширувдан ўтказиляпти. Шифохонага олиб борилган барча болаларга бир хил турдаги томчи укол қилинган ва баъзи болаларга бу ҳеч қандай ёрдам бермаган. Уларнинг барчасига «ўткир респираторли инфекциялар» ташхиси қўйилган.

Маълумот учун, ҳар бир 3 ёшдан 6 ёшгача бўлган болаларга ҳафтасига 500 миллиграмм, 7 ёшдан 14 ёшгача бўлганларга эса 1000 миллиграмм йод берилиши керак бўлган.

Bugun.uz’ бир вақтнинг ўзида иккита боласи касалланган ота-она билан суҳбатлашди.  Уларнинг айтишича, болалари шифохонадан чиққач, бир ҳафта давомида қорни оғриётганлигидан шикоят қилган. Шифокорлар томонидан ҳеч қандай аниқ ташхис қўйилмаган. Аммо ҳозирда болаларнинг аҳволи яхши.

Илгари текширилган дориларда заҳарли моддалар топилмаган. Болалардан барча тестлар олинган ва лабораторияга юборилган. Якуний натижалар чиқмагани туфайли, заҳарланишнинг асосий сабаби ҳали аниқ эмас.

Эслатиб ўтамиз, aввароқ, Наманганда 71 нафар бола оммавий заҳарланиб, текширув ҳаракатлари Бош прокуратура назоратига олингани ҳақда хабар берилганди. Шундан сўнг, ССВ заҳарланган болаларнинг 10 нафари соғайиб, уйига рухсат берилгани ҳамда шахсан вазирнинг ўзи вазиятни назоратга олганини айтганди. Вақт ўтиб, Соғлиқни сақлаш вазири Амрилло Иноятов заҳарланиб, шифохонага ётқизилган барча болалар соғайиб, уйларига рухсат берилганини маълум қилганди.