Республика Олий таълим муассасаларида таҳсил олаётган талабаларга қишки таътил мобайнида маҳаллий йўналишдаги қатновлар учун «Ўзтемирйўлчи» АЖ томонидан поезд қатновларига чегирмалар эълон қилинди.

2023 йилнинг 25 декабридан 2024 йилнинг 7 январига қадар давом этадиган ушбу чегирмалар ўрнатилган тартибда барча маҳаллий йўналишдаги йўловчи поездларнинг темир йўл ҳужжатининг тўлиқ қийматидан 50 фоиз миқдорида амал қилади. Хабарда келтирилишича, чегирмалар SV /VIP класс вагонлари ва юқори тезликда ҳаракатланувчи «Афросиёб» электропоездларига нисбатан қўлланилмайди.

Маълумот учун, чипталарни eticket.railway.uz сайтидан электрон тарзда харид қилиш мумкин.

Қўшимча маълумотлар учун:
Алоқа маркази: 1005
Ишонч телефони: +998 71 299 94 50
Телеграм: t.me/uzrailpassuz

Эслатиб ўтамиз, аввалроқ Uzbekistan Airways ҳам талабаларга 50 фоизлик чегирма эълон қилганди. Шунингдек, талабалар қишки таътилда қачонгача дам олиши ҳақда хабар берилганди.