Статистика агентлиги ахборот хизмати ўтган 2023 йилда қанча янги тадбиркорлик субъектлари ташкил этилгани ҳақида маълумот эълон қилди.

Қайд этилишича, 2023 йилда 86 408 та янги тадбиркорлик субъектлари ташкил этилган. Кўрсаткич 2022 йилга нисбатан 4 мингтага камайган. Қуйида сўнгги беш йилда янги ташкил этилган тадбиркорлик субъектлари сони келтирилган:

• 2019 йилда – 93 091 та;
• 2020 йилда – 93 425 та;
• 2021 йилда – 99 168 та;
• 2022 йилда – 90 565 та;
• 2023 йилда – 86 408 та.

Аввалроқ Ўзбекистонда рўйхатдан ўтган кичик тадбиркорлик субъектлари сони 1 январ ҳолатига кўра 614 897 тани (фермер ва деҳқон хўжаликларисиз) ташкил этгани ҳақида хабар берилганди.