Ўзбекистонда бир нечта туман ҳокимлари бошқа ишга олингани муносабати билан амалдаги лавозимидан озод этилди. Бу ҳақда вилоят туман ҳоқимликлари матбуот хизмати хабар берди.

Элёрбек Асронкулов Фурқат тумани ҳокими этиб тайинланди. У бунгача Ижтимоий ҳимоя миллий агентлигининг Фарғона вилояти бошқармаси бошлиғи вазифасида ишлаб келаётганди.

Нурали Жўраев Навоий вилоятининг Ғозғон шаҳри ҳокими этиб тайинланди. У бунгача Инвестициялар, саноат ва савдо вазирлиги ҳудудларни ривожлантириш бошқармаси бош мутахассиси вазифасида ишлаб келаётган эди.

Камилжан Айтбаев Қорақалпоғистон Республикасининг Тахиатош тумани ҳокими этиб тайинланди. Бунгача у Амударё тумани ҳокимининг биринчи ўринбосари эди.

Мансуров Ахрор Аҳмадалиевич Мингбулоқ тумани ҳокими этиб тайинланди. У тайинловга қадар Тўрақўрғон тумани ҳокими вазифасида ишлаб келаётганди.

Сардорбек Эргашев Тошкент тумани ҳокими этиб тайинланди. У бунгача мазкур туман ҳокимининг биринчи ўринбосари эди.