Ўзбекистонда «Яшил» иқтисодиёт онлайн платформасига интеграция қилиниши таъминланади. Бу ҳақда Ҳуқуқий ахборот канали хабар берди.

Қайд этилишича, «Ўзбекистон Республикасида «яшил» иқтисодиётга ўтишда миллий шаффофлик тизимини жорий этиш чора-тадбирлари тўғрисида»ги Президент Қарори қабул қилинди.

Қарорга кўра, 2024 йил 1 декабргача миллий шаффофлик тизими онлайн платформаси (онлайн платформа) ишга туширилиши ва унинг «Яшил» иқтисодиёт онлайн платформасига интеграция қилиниши таъминланади.

Шунингдек, 2025 йил 1 январгача тажриба-синов тариқасида муайян соҳа, ҳудуд ва корхоналарда иссиқхона газлари ажратмалари хатловдан ўтказилади.