«Numbeo» таҳлилий хизмати жиноят даражаси бўйича давлатларнинг 2022 йилги рейтингини тузди. Ўзбекистон жиноятчилик кўрсаткичида 142 та давлат ичида 104-ўринни эгаллади.

Рейтингга кўра, юқори ўринларни эгаллаган давлатларда жиноятчилик юқори, қуйи ўринларда эса паст, хавфсизлик юқори  бўлади. Ўзбекистонда жиноятчилик кўрсаткичи 33,68 баллни, хавфсизлик эса 66,32 баллни ташкил қилган. Қатар дунёдаги энг хавфсиз давлат деб топилган. Жумладан, у рейтингда 142-ўринни қайд этган. Мамлакатда жиноятчилик индекси 14,15 баллни, хавфсизлик эса 85,85 баллни ташкил қилган.

Ўз навбатида, Венесуэла энг хавфли давлат деб топилган. Рейтингда давлатнинг жиноятчилик кўрсаткичи 83,16 баллни, хавфсизлик эса 16,8 бални ташкил қилган. Марказий Осиё давлатларининг рейтингдаги ўрни қуйидагича:

Қозоғистон 47, Қирғизистон 36, Афғонистон 3-ўринни қайд этган, Туркманистон ва Тожикистон рейтингга киритилмаган.

Қайд этилишича, хавфсизлик индексини ҳисоблаш «Numbeo» томонидан ўтказилган сўровларга асосланган бўлиб, у мамлакатда жиноятчилик даражаси қанчалик паст ёки юқори эканини кўрсатади.

Аввалроқ гендер тенглиги бўйича мамлакатлар рейтинги эълон қилинганди. Шунингдек, дунё бўйлаб яшаш учун энг арзон ва қиммат шаҳарлар рейтинги тузилган.