Бугуннинг энг сара суратларини эътиборингизга ҳавола этамиз.

Киев марказидаги қор қоплаган хиёбондан ўтиб бораётган аёл.

Португалия пойтахти Лиссабонда Эрон тузумига қарши намойишга чиққан этник форс кишиси.

Франция полицияси Лион яқинидаги Волх-эн-Велин шаҳрида 10 киши ҳалок бўлган уй-жой биносидаги ёнғин содир бўлган жой яқинида юрибди.

Испаниянинг Каталония шаҳридаги дўконда намойиш этилган Путин ва Зеленскийнинг ўзига хос ҳайкалчаси. «Каганерлар» деб аталувчи ушбу турдаги ҳайкалчалар келгуси йил учун фаровонлик ва омад олиб келишига ишонилади.

Швейцарияда 84-марта ўтказилаётган анъанавий йиллик Рождествоолди чўмилиш фестивалида қатнашаётган одамлар Женева кўлига шўнғишларидан олдин бир-бирларига совуқ сув сепишмоқда.

АҚШнинг Коннектикут штати, Ункасвилл шаҳридаги казинода ўтказилган Америка гўзаллик танловида мамлакатнинг энг гўзал аёли деб топилган икки қиз хайратини яширмаяпти.

Ноанъанавий усулда совғаларини етказишга бел боғлаган Қорбобо.

Африка қитъасида жойлашган Сенегал Ҳиндистондан импорт қилинадиган ғаллага қарамликни тобора камайтириш учун курашмоқда.

Булутлар орасидан кўриниб турган Туркия пойтахти Анқара шаҳри.

Қирғизистондаги тоғлардан бирида камерага тушиб қолган қор қоплони.

Қатарнинг Ал-Шаҳания шаҳридаги ипподромда бўлиб ўтган «2022 World Cup and Camels» тадбирида одамлар дунёда биринчи марта туяларда қўл тўпи ўйнамоқда.

Хорватия терма жамоаси ҳужумчиси Лука Модрич Жаҳон чемпионати бронза медаллари учун баҳсда Марокаш устидан қозонлиган ғалабадан сўнг. Жаҳон чемпионатидан кетма-кет икки бор медаль билан қайтаётган футболчи учун ушбу турнир катта эҳтимол билан охиргиси бўлди.

Лука Модрич ғалабани отаси билан нишонламоқда.

Марокаш футболчиси ва Жаҳон чемпионатининг кашфиётларидан бири Софян Амрабат Хоравтиядан учралган мағлубиятдан сўнг.

Хорватия терма жамоаси Россиядаги Жаҳон чемпионтида иккинчи ўринни қўлга киритганидан сўнг 4 йил ўтиб яна совриндорлар қаторидан ўрин олди.

Аргентинанинг Розарио шаҳридаги Монументо а ла Бандера мажмуасида футбол юлдузи Лионел Мессининг фамилияси туширилган 18 метр узунликдаги Аргентина терма жамоаси либоси намойиш этилди.