«Халқаро шартномани тасдиқлаш тўғрисида»ги Президент қарори қабул қилинди. Қарорга кўра, Ўзбекистон ва Қатар Давлати Ҳукуматлари ўртасида ишчиларни ишга қабул қилиш бўйича ҳамкорлик тўғрисидаги Битим тасдиқланди.

Мазкур битим 2023 йил 6 июнда Самарқанд шаҳрида имзоланган.

Камбағалликни қисқартириш ва бандлик вазирлиги ушбу халқаро шартномани амалга ошириш учун масъул бўлган ваколатли орган этиб белгиланди.

Вазирлар Маҳкамаси ҳамда тегишли вазирлик ва идораларнинг раҳбарлари мазкур халқаро шартнома кучга кирганидан кейин унинг қоидалари бажарилиши устидан назоратни таъминлайди.

Эслатиб ўтамиз, аввалроқ Қатар Амири шайх Тамим бин Ҳамад Ол Соний Тошкентга келганди. Шавкат Мирзиёев ва Қатар Амири Тошкентдаги коррупцияга қарши курашни ифодаловчи монумент очилиш маросимида иштирок этишганди.