Шайхонтоҳур туманида тадбиркорнинг 325,7 миллион сўмини ўзлаштирган экспедитор қўлга олинди. Бу ҳақда Прокуратура Департаменти матбуот хизмати хабар берди.

Маълум қилинишича, Бош прокуратура ҳузуридаги Департаментнинг Шайхонтоҳур туман бўлими томонидан тадбиркорлик субъектларининг ҳуқуқларини ҳимоя қилиш юзасидан ўтказилган терговга қадар текширувда «У.М.» МЧЖ ҳайдовчи-экспедитори Э.Ю. буюртмачилар томонидан ушбу МЧЖга қайтарилган 139 дона турли маҳсулотларни МЧЖ омборхонасига қайта кирим қилмасдан, бошқа шахсларга нақд пулга сотиб, тадбиркорнинг 325,7 миллион сўмини талон-торож қилганлиги аниқланган.

Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.