14:18 | 17.07.23 1250
«Ташаббусли бюджет»нинг бу йилги 2-мавсумига старт берилди
Ҳисоб-китобларга кўра, «Ташаббусли бюджет»га 1 трлн сўмдан ортиқ маблағ йўналтирилиши кутилмоқда.
Ўзбекистонда Ташаббусли бюджет жараёнининг жорий йилги 2-мавсумига бугундан старт берилди. Бунга кўра:
- 1-босқич – фуқаролар томонидан лойиҳаларни шакллантириш жараёнлари 17 июл 2023 – 06 август 2023 давомида;
- 2-босқич – лойиҳаларни махсус комиссия томонидан саралаб олиш жараёнлари 06 август 2023 – 26 август 2023 давомида;
- 3-босқич – лойиҳаларга овоз бериш жараёнлари 26 август 2023 – 15 сентябр 2023 давомида ўтказилади.
Дастлабки ҳисоб-китобларга кўра, ушбу мавсум учун туман (шаҳар) бюджетлари ҳисобидан 1 триллион сўмдан ортиқ маблағлар йўналтирилиши кутилмоқда. Мазкур маблағлар мавсум якунига қадар ортиб боради.
