18-19 май кунлари Амитй университетида «Hacknovation-2024» ҳакатони бўлиб ўтди. Тадбирда Ўзбекистоннинг барча ҳудудларидан 100 дан ортиқ жамоалар иштирок этди. Улар инновациялар, технологиялар ва сунъий интеллект соҳаларидаги янги лойиҳаларни ишлаб чиқиш борасида беллашдилар. Ушбу ҳакатоннинг ўзига хос жиҳати шунда бўлдики, ҳар бир жамоада камида бир нафар аёл ва қизларнинг иштироки мажбурий этиб белгиланди, бу албатта аёлларнинг инновациялар соҳасидаги фаоллигини оширишга хизмат қилади.

Икки кун давом этган ҳакатон давомида иштирокчилар ўз лойиҳалари устида ишладилар. Ҳакамлар ҳайъати кейинги босқичга 55 та энг яхши жамоани танлаб олди. Иккинчи куни улар ўзларининг прототипларини тақдим этишди. Энг яхши 10 та иштирокчи финалга йўлланма олди.

Тақдимотлар натижаларига кўра, «Мактаб», «Университет» ва «Саноат» йўналишлари бўйича дастлабки уч ўринни эгаллаганлар учун 700, 1 500, 1 000 АҚШ доллари миқдорида пул мукофотлари топширилди. Мактаб йўналишида биринчи ўринни эгаллаган жамоа 500 АҚШ доллари миқдорида мукофот билан тақдирланди. Барча ғолиблар етакчи финтеч компанияларнинг акселерация дастурлари доирасида ўз лойиҳаларини ишлаб чиқишни давом эттириш имкониятига эга бўлдилар.

«Биз ‘Hacknovation-2024’ кўплаб иқтидорли ёшларни ва етакчи мутахассисларни бир жойга жамлаганидан фахрланамиз. Ҳакатон иштирокчиларга ўзларини намоён қилишда ва қобилиятлари билан инновацион ғояларни ҳаётга татбиқ этиш учун ажойиб имконият яратди. Биз бу ёшларда улкан салоҳиятни кўрмоқдамиз ва уларнинг лойиҳалари Ўзбекистон финтеч-саноатининг ривожланишига сезиларли тасир кўрсатиши мумкинлигига ишонамиз», — дея фиклари билан ўртоқлашди TBC Bank Uzbekistan ва payme компаниялари Ахборот технологиялари директори Даврон Адилхўжаев.

«Hacknovation-2024» IT-community of Uzbekistan ҳамжамияти ва Ўзбекистон Олий таълим, фан ва инновациялар вазирлигининг Сунъий интеллект бўйича маслаҳат кенгаши билан ҳамкорликда ташкил этилди. Тадбир TBC Bank Uzbekistan ва payme каби йирик финтеч компаниялар томонидан қўллаб-қувватланди.