Telegram асосчиси Павел Дуров Ўзбекистонга ташрифи юзасидан таасуротларини бўлишди.

Қайд этилишича, Павел Дуров бу ҳафта Ўзбекистонга ташриф буюрган ва бундан завқланган.

У Тelegram каналида Ўзбекистон аҳолиси Тelegramdan фаол фойдаланишини айтган.

«Ўзбекистоннинг 70 фоиздан кўп аҳолиси Тelegramдан фойдаланади. Уларнинг иқтисодий даромади бизнинг платформадан келади. Биз бу машҳурликдан фахрланамиз ва Ўзбекистонга келишни севамиз», — дейди у.

Ўзбекистонга ташрифи давомида у Тошкентнинг тез ривожланётганидан хурсанд ва ҳайрон бўлганини маълум қилди. Шунингдек, Тelegram асосчиси бой тарихга эга бўлган Бухоро ва Самарқанд ҳақида иллиқ фикрлар билдирган.

У кейинги йили ҳам Тошкентга келишини айтди.