ФВВ қутқарувчилари «Катта чимён» тоғида адашиб қолган фуқароларга ёрдам бериб, уларни пастга олиб тушди.

Маълум қилинишича, 2024 йил 21 сентябрь куни соат 16:15 да Тошкент вилояти ФВБга Бўстонлиқ тумани «Чимён» маҳалла ҳудудидаги «Катта чимён» тоғига тўрт нафар фуқаро сайр қилиш мақсадида бориб, йўлдан адашиб қолганлиги ҳақида хабар келиб тушган.

Хабарга асосан, Чимён ёнғин-қутқарув отрядидан бир гуруҳ қутқарувчилар зудлик билан айтилган манзилга етиб бориб, фуқаролар хавфсиз ҳудудга олиб тушилган.

Қайд этилишича, фуқаролардан ҳеч бири тан жароҳати олмаган.