Тошкент шаҳрига юк ташувчи транспорт воситаларининг кириши вақтинча тўхтатилади — фото
Ҳаракатланиш эса 4P-12 автомагистрал йўли орқали амалга оширилиши айтилган.
Шу йилнинг 8-9 ноябр кунлари Тошкент шаҳрида «Иқтисодий ҳамкорлик ташкилоти» нинг 16-саммити ўтказилиши муносабати билан пойтахтга юк ташувчи транспорт воситаларининг кириши қисман чекланади. Бу ҳақда шаҳар ИИББ хабар берди.
Унга кўра, шу кунларда Тошкент шаҳридаги юк ташувчи транспорт воситаларининг шаҳар марказида ҳаракатланиши тўлиқ тўхтатилади. Ҳаракатланиш эса 4P-12 автомагистрал йўли орқали амалга оширилиши маълум қилинган.
«Ҳурматли юртдошлар, саммит доирасида белгиланадиган вақтинчалик чекловлар сабабли водийдан воҳага ҳамда воҳадан водийга ҳаракатланиш 4П-12 автомагистрал йўли орқали амалга оширилишини маълум қиламиз. Сизлардан, юзага келадиган вақтинчалик ноқулайликлар учун узр сўраймиз» дейилган шаҳар ИИББ хабарида.
