Тошкент вилоятининг Тошкент туманида тўртта автомобиль иштирокида ЙТҲ содир бўлди. Бу ҳақда вилоят ЙҲХБ матбуот хизмати маълум қилди.

Таъкидланишича, воқеа 24 май куни соат тахминан 08:00 ларда Тошкент вилояти Тошкент тумани ҳудудидан ўтган 4R4 Тошкент шаҳри—Келес—Қозоқкентсой қўрғони автомобиль йўлининг 1-километрида юз берган.

Ҳайдовчи Р.Р. (1993 йилда туғилган) Toyota Prado русумли автомобилни Келес—Тошкент йўналиши бўйлаб бошқариб келаётганида бошқарувни йўқотиб, қарама-қарши йўналишга чиқиб кетган ва Cobalt, Damas, Spark билан тўқнашган.

Оқибатда Toyota Prado ҳайдовчиси воқеа жойида вафот этган. Қолган ҳайдовчилар туман марказий шифохонасига олиб борилиб, биринчи тиббий ёрдам кўрсатилган.