21:50 | 06.08.24
Тошкентда CEFR сертификатини олиб бериш эвазига пора олган эркак ушланди
Тошкентда «CЕFR B1» сертификатини олиб бериш эвазига 1 500 АҚШ доллари пора олган эркак қўлга олинди.
Тошкент шаҳрида эркак тил билиш сертификатини олиб беришни ваъда қилиб, пора олганлиги аниқланди. Бу ҳақда Бош прокуратура департаменти хабар берди.
Маълум қилинишича, эркак танишлари ёрдамида 2 500 АҚШ доллари эвазига «CЕFR B1» сертификатларини олиб беришини айтган. Бош прокуратура ҳузуридаги Департаментнинг Олмазор туман бўлими ва ДХХ ходимлари ҳамкорлигида ўтказилган тезкор тадбирда у 1 500 АҚШ доллари ва 12,6 миллион сўм пулларни олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168 моддаси (Фирибгарлик) ва 28, 221 моддаси (Пора бериш) билан жиноят иши қўзғатилиб, тергов ҳаракатлари олиб борилмоқда.
Мавзуга доир хабарлар билан танишинг:
