«Тошшаҳартрансхизмат» акциядорлик жамияти Тошкент шаҳрида кузатилаётган ноқулай об-ҳаво туфайли йўл ҳаракати иштирокчиларига мурожаат йўллади. Бу ҳақда идора ахборот хизмати хабар берди.

Жамият ҳайдовчи ва йўловчилардан қуйидагиларни сўраган:

• тезлик талабларига қатъий амал қилиш;
• йўлни кесиб ўтишда ўта ҳушёр бўлиш;
• тирбандликларнинг олдини олиш мақсадида жамоат транспортларидан фойдаланиш;
• транспорт воситасини бошқариш пайтида мураккаб об-ҳаво шароитини ҳисобга олиш;
• зарурат бўлмаганда шахсий автомобилда, айниқса, қишга мўлжалланмаган шиналардаги транспорт воситаларида ҳаракатланмаслик;

«Шу билан бирга, ноқулай об-ҳаво шароитида автотранспорт воситаларининг кўча-йўлларда ҳаракатланишида ноқулайликлар юзага келиши сабабли, айрим автобус йўналишларидаги қатнов ва оралиқ интервал вақтларининг белгиланган вақтлардан ортиши ҳолатлари юзага келиши мумкинлигини маълум қиламиз», — дейилади хабарда.