Тошкентдаги «Ёшлар ижод саройи»да Экология, атроф-муҳитни муҳофаза қилиш ва иқлим ўзгариши вазири Азиз Абдуҳакимов ҳамда эко-фаол ёшлар ўртасида очиқ мулоқот бўлиб ўтмоқда. Унда 500 га яқин ёшлар иштирок этмоқда.

Учрашув давомида вазир соҳада ёшларга берилаётган имкониятлар ва улар томонидан амалга оширилаётган ташаббусларга алоҳида эътибор қаратилаётганини таъкидлаб, уларга миннатдорчилик билдирган.

Тадбирдан мақсад экология соҳасида ёшларнинг фаоллигини янада ошириш, долзарб муаммоларга ечим топишда уларнинг ўрни юқори, ҳар бир фикри, ташаббуси муҳим эканлигини яна бир бор таъкидлашдир.