Тошкентнинг 3 туманида электр таъминотида вақтинча узилиш бўлади. Бу ҳақда «Ҳудудий электр тармоқлари» АЖ шаҳар филиали хабар берди.

Қайд этилишича, Истеъмолчиларга сифатли ва барқарор электр энергияси етказиб берилишини таъминлаш ва электр тармоқларидаги авариявий ҳолатларни олдини олиш ҳамда мавжуд электр қурилмаларида таъмирлаш ишларини олиб бориш мақсадида 28 февраль куни қуйидаги ҳудудларда электр таъминоти вақтинча ўчирилади:

• Миробод тумани: «Файзобод» ва «Оқ уй»  МФЙларининг айрим ҳудудларида соат 10:00 дан 17:00 гача;
• Учтепа тумани: «Қорёғди» МФЙнинг айрим ҳудудларида соат 10:00 дан 17:00 гача;
• Олмазор тумани: «Аҳил», «Гулзор», «Мояриқ», «Иброҳим ота» ҳамда «Мискин» МФЙларининг айрим ҳудудларида соат 09:00 дан 17:00 гача.

Қўшимча қилинишича, юқоридаги ҳудудларда таъмирлаш ишлари белгиланган вақтдан аввалроқ якунланиши мумкин.

«Ҳудудий электр тармоқлари» АЖ Тошкент шаҳри филиали мазкур таъмирлаш ишлари туфайли электр таъминотидаги вақтинча узилишлар сабабли етказилаётган ноқулайликлар учун ушбу ҳудудларда яшовчи истеъмолчилардан узр сўраган.